حمل تطبيق الدليل من هنا


قوانين المجتمع عدد مواضيع المجتمع: 221
الفريلانسر عالم التحديات والمفاجأت

أنك تتجه للعمل الحر قرار أبداً ما هو سهل، خاصة إذا كانت عندك وظيفة. ولكن بنخاطر بكلشي أه ليش لأ؟ لأنه ممكن يكون أفضل قرار أتخذته بحياتك. ولكن قبل تقدم ل هالخطوة الكبيرة والمهمة جداً عليك تحط ببالك شغلات كتيرة، واللي منها: أنك تحط خطة مدروسة منيح. وتسأل نفسك كم من سؤال. هل أنا ليش رايح لهيك اتجاه؟ هل أنا حمل هالتحدي؟ ولا رح أوقف من أول عقبة رح أواجهها؟ هل عندي مهارات مصقولة كفاية لأدخل لسوق العمل الحر اللي التنافسية فيه عالية جداً. وإذا كان جوابك لا ما عندي! شو تعمل؟ عادي بلش أعمل نماذج لترفقها بملف أعمالك. كيف؟ بإمكانك تفوت على جوجل وتقرأ كتير منيح عن الشي اللي بدك تتعلمه. وخطوة بخطوة رح تتقنه لحالك ويمكن مش بكيفك. بدك توفر مبلغ بسيط وتبدا تشوف المقومات اللي ممكن تأهلك لسوق العمل الحر؟ مثلاً: لاب توب، بطارية للاحتياط خاصة إذا كنت من الناس اللي بتعاني من انقطاع التيار الكهربائي (بس مش كتير ضروري أولها)، وحضّر الأثاث الملائم لتنجز عملك خصوصاً إذا كنت بتشتغل من داخل البيت. تعلم كيف تسوق لنفسك وكيف ممكن تبرز المهارات اللي شايفها نقطة قوة لإلك لتبرزها لعملائك. مثلاً: لينكد إن وتويتر والتي بعطيك فرص كبيرة لتسوق عن نفسك، وممكن تاخد جوبات منها وبنفس الوقت بتستفيد وبتفيد كمان. الصبر والصبر والصبر. لازم تكون صبور كتير. من تجربة شخصية، أنا خلصت كل الفرص المسموحة إلي لأقدم على المشاريع الموجودة على المنصات خلال أقل من أسبوع!!!! وهادا غلط جداً خاصة أولها. شو تعمل؟ تشوف المشاريع اللي ممكن تكون منافس فيها. يعني؟ ممكن بس تقدم لمشروع أو مشروعين بالكتيرررر في اليوم على المنصات اللي عندك حسابات عليها. وأحرص يكون عندك حسابات على أكتر من منصة. تعلم كيف تدير وقتك. وأعرف شو الوقت المناسب لإلك. ممكن بالليل! ممكن بالصبح! بإختصار حدد الوقت المناسب إلك اللي بكون فيه العقل صافي وقادر ينتج ويعطي أفضل ما عنده. تعلم كيف تدير أرباحك. وهالخطوة ما هي سهلة أبداً!! لكن مش مستحيلة أكيد. دايماً خلي معك مبلغ بسيط للطوارئ. حتى لو أولها ما كان فيه عادي ما صار شي. لكن حط ببالك أنك تعمل خطة ومبلغ للطوارئ. لأنه عالم الفريلانسر أنا بعتبره عالم المفاجأت. أه عالم المفاجأت والتحديات. وأحنا قد هالعالم وقبلنا التحدي. التحدي لظروفنا.والتحدي لنغير نمط حياتنا الاعتيادي. التحدي لنكون سادة أنفسنا.

التعليقات